បង្ហាញមុខអង្គការ ៖ រចនាសម្ព័ន្ធថ្នាក់ដឹកនាំខ្មែរក្រហម

បក្សកុម្មុយនីស្តកម្ពុជា

ក្នុងនាមជាគណបក្សនយោបាយតែមួយគត់នៅក្នុងរបបកម្ពុជាប្រជាធិបតេយ្យ បក្សកុម្មុយនីស្តកម្ពុជា (ប.ក.ក.) គឺជាសា្ថប័នធ្វើការសម្រេចចិត្តសំខាន់ជាងគេ។ សមាជិកដែលខ្លួនទុកចិត្តគ្រប់គ្រងលើបញ្ហាយោធា និងស៊ីវិលទាំងអស់នៅក្នុងប្រទេសកម្ពុជា។

រដ្ឋាភិបាលកម្ពុជាប្រជាធិបតេយ្យ

រដ្ឋបាល “រដ្ឋាភិបាល” របស់កម្ពុជាប្រជាធិបតេយ្យតាមពិតនោះគ្រាន់តែជាគ្រឿងបិទបាំងមុខមាត់ពិតប្រាកដរបស់ ប.ក.ក. ដែលជាអ្នកអនុវត្តការគ្រប់គ្រងផ្ទាល់។ សមាជិកផ្នែក “ប្រតិបត្តិ” ទទួលការណែនាំពីគណៈកម្មាធិការអចិន្ត្រៃយ៍បក្ស និងមិនមានប្រព័ន្ធតុលាការដែលដំណើរការ ឬផ្នែកអង្គនីតិបញ្ញាត្តិនោះទេ។

កងទ័ពបដិវត្តន៍កម្ពុជា

កងទ័ពបដិវត្តន៍កម្ពុជាគឺជាកងទ័ពរបស់ ប.ក.ក. មិនមែនរបស់រដ្ឋទេ។ គណៈកម្មាធិការយោធារបស់បក្សគ្រប់គ្រងលើកិច្ចការយោធានិងសន្តិសុខទាំងអស់នៅក្នុងរបបកម្ពុជាប្រជាធិបតេយ្យ។

ថ្នាក់ដឹកនាំភូមិភាគ

សមាជិកដែល ប.ក.ក. ទុកចិត្តបំផុតបានគ្រប់គ្រងប្រទេសក្នុងនាមជាលេខាភូមិភាគ ដោយមានអំណាចពេញលេញក្នុងការគ្រប់គ្រងនិងឃ្លាំមើលប្រជាជនកម្ពុជា។